12 يونيو,2011

بصراحة انا فكرت كتير علشان اكتب الموضوع دا ، علشان اعرف ادور على مثال يوضح اللى عاوز اقوله ، لحد ما جتلى الفكرة وانا ماسك ورقة امتحان

هقولك ليه !

الاستلهام دا حاجة تشبه بطريقة كبيرة جدا السوال الاجبارى فى امتحان اللغة العربية ( التعبير ) ؟

بجد ،، فكر فى الموضوع كدا ، انت تكتب موضوع التعبير من الخيال لان ولا بيبقى معاك كتاب ولا صورة ولا اى حاجة ، انت بتعمد على ذاكرتك ، و شوية من اللى انت قراءاته .

علشان كدا ، كل ما بتقرا اكتر ، بتكتب اكتر وبتبدع اكتر فى موضعك ،

بالمثل بالظبط فى مجال التصميم , كلما شاهدت اكثر ابدعت اكثر . وعلشان كدا ، لازم نشوف كتير من المواقع الغير طبيعية بمعنى تانى ، المواقع المجنونة ، مواقع تحس وانت فيها ان انت واقف فى موقع خرافى اللى عمله دا عبقرى هتحس شوية بعقابات واقفة قدامك وبتقولك مش  هتعرف توصل للمستوى دا ! بس كل الاحاسيس ديه هتروح بمجرد انك عملت اول موقع ونجح .

علشان كدا لازم يبقى عندك مخزن لاى لجميع المواقع الجميلة اللى شوفتها وعلشان كدا حاول تقوم بتصوير المواقع التى تعجبك بشده واحتفظ بيها فى فولدر خاص بيك ، ارجع ليه كلما ارد البداية فى موقع جديد او كلما نفذت الافكار منك .

بعض الاضافات اللى ممكن تساعدك على تصور المواقع بشكل كامل :

اضافة فيرفوكس الرائعة : FireShot تمكنك من التقاط صور للشاشة بالكامل .

بعض المواقع اللى بتقدم صور للمواقع وبغرض الاستلهام ، ومعرض للمصممين :

Thedesigninspiration

mostinspired

logopond للوجوهات .

موضوع بيجمع شوية مواقع للاستلهام ( معارض للمصممين )

لا تكتفى بهذا ابحث انت ، شارك برايك ، وقول ايه المواقع اللى بتستفيد منها ؟؟

شارك الدرس

Share

تعليق واحد فقط

  • يقول خالد:

    شكرا لك ياكريم