31 أغسطس,2013

ليه كل فكرة او مشروع عربى بيقف عند حد معين ؟؟
ليه مفيش تطوير للفكرة ؟
يمكن علشان مفيش دعم ؟
مفيش تشجيع من المستخدمين العرب بشكل عام ؟

يمكن ،، لكن اللى متاكد منه ان العرب عندهم ( عقدة الاجنبى )
فعلا … اى صاحب شركة كبيرة مش  بيتعامل غير مع شركات اجنبية  تقدمله شغل الدعايا والاعلان والبرمجة .. مع انه ممكن يعمل نفس الشغل عند عربى ،، لكن ازاى ؟
بيتخيل انه كدا بيضمن نفسه وبيضمن شغله ؟
هوا دا السبب الرئيسى فى الازمة ..

كمان فكرة المدونة او الموقع او المنتدى بقى فكرة متدوالة بشكل غير طبيعى ، تلاقى 1000 منتدى بيتكلم فى موضوع واحد ، وللاسف كلهم بينقلوا من بعض او من مصدر واحد ..
و النتيجة تشابه جميع المصادر العربية ،،وبالتالى يتحه بشكل اساسى للمصدر الاجنبى ويضيع المصدر العربى الرئيسى بين هذه المواقع والنقل والسرقة ،، يصاب بالاحباط ويترك العمل فى الموقع او فكرته !

ولكن العربى قادر على المنافسة اذا اتُيحت له …العربى مبدع يحتاج فقط الى التعليم ..
والتدريب
والاصرار للوصول لهدفه ..

شارك الدرس

Share